Si rezultat i pranisë së minave/municionet e paplasura në veri-lindje të Shqipërisë 34 persona kanë vdekur dhe 238 janë plagosur. Rregjistrohen afërsisht 100 persona të gjymtuar, 17 me dëmtime në sy dhe rreth 30% e të aksidentuarve ishin fëmijë në kohën e aksidentit. 92% e të aksidentuarve nga minat në Shqipëri janë meshkuj. Shumica e të aksidentuarve nga minat tokësore jetojnë në zona të thella malore në veri-lindje të Shqipërisë, ku 56% e popullsisë trajtohen me ndihmë ekonomike, papunësia llogaritet në 30% dhe afërsisht 70% e popullsisë kanë akses të limituar në shërbimet bazë shëndetësore.

Numrit të personave të aksidentuar nga minat si rezultat i konfliktit të Kosovës i shtohen dhe afërsisht 500 të aksidentuar nga minat/municionet e paplasura të plagosuar si rezultat i hapjes dhe grabitjes së depove të municioneve gjatë trazirave të vitit 1997 në Shqipëri.

Një strategji gjithëpërfshirëse për asistencën ndaj të aksidentuarve është adoptuar në vitin 2003, me qëllim ndërtimin e një kapaciteti të qëndrueshëm të Veprimit ndaj Minave në Shqipëri në vitin 2010. Objektivat kryesore të kësaj strategjie janë:

• Furnizimi/pajisja me proteza të gjymtyrëve të poshtme dhe trajtimin e të sëmurëve me dëmtime në sy në Shqipëri dhe ato me dëmtime të gjymtyrëve të sipërme dhe rasteve të vështira jashtë shtetit.
• Ndërtimin e kapaciteteve të Institucioneve shqiptare për furnizimin/pajisjen me proteza dhe orteza në Shqipëri në fund të vitit 2010.
• Reintegrimi ekonomik i të aksidentuarve nga minat përmes skemave të mikro financimeve për ngritjen e ekonomive me bazë shtëpie
• Ndërtimi i kapacitetit në veri-lindje të Shqipërisë për trajtimin kirurgjikal të traumave dhe të personave të gjymtuar si dhe të shërbejë si nivel i dytë i asistencës mjeksore për të aksidentuarit gjatë aksidenteve të çminimit.
• Ngritja e një Rrjeti Rehabilitimi me bazë Komuniteti (CBR) për të përmirësuar cilësinë e shërbimeve sociale dhe mjeksore që u ofrohen të mbijetuarve nga minat.  

Asistimi i të mbijetuarve nga minat përmes Rrjetit CBR	Pajisje kirurgjikale për Spitalin e Kukësit	Reintegrimi i të mbijetuarve nga minat tokësore

Vitet e fundit janë ndërmarrë shumë inisiativa në sferën e asistencës ndaj të aksidentuarve. Disa nga arritjet kryesore janë si më poshtë:

• Në mars të vitit 2005 është ngritur pranë Spitalit të Kukësit Qendra e Riparimit të Protezave, me qëllim kryerjen e riparimeve të vogla të protezave dhe po mbështetet për prodhimin e protezave për gjymtyrët e poshtme.
• Ka filluar në maj të vitit 2006 projekti i mjekesisë fizike dhe rehabilituese (PMR - faza e I-rë) me mbështetjen e Handicap International, i financuar nga Departamenti Amerikan i Shtetit për te krijuar nje kapacitet kombetar per t'ju pergjigjur nevojave të të aksidentuarve nga minat si dhe të tjereve në nevojë.
• ICRC është duke mbështetur Qendrën Kombëtare të Orto-Protezave (NPOC) në Tiranë me lëndë të parë dhe vizita monitoruese. Tekniku i trajnuar për një periudhë 3-vjeçare në nivelin II të ISPO, është rikthyer në NPOC duke kontribuar në permiresimin e kapaciteteve të qendrës.
• Me fonde të Komisionit Europian janë siguruar për Qendrën Kombëtare të Orto Protezave pajisje dhe lëndë e pare, një pjesë e të cilave jane derguar ne  Qendrën e Protezave në Kukës.
• Një komplet pajisjesh fizioterapie i eshte dhuruar Spitalit të Kukësit me fondet e Qeverisë Franceze dhe Komunitetit Europian.
• Në qershor 2007 i jane dhuruan Spitalit të Tropojës pajisje kirurgjikale me një vlerë prej 35,700USD sipas projektit të financuar nga KE përmes PNUD.
• 149 të amputuar nga minat të cilësuar si raste të vështira kanë marrë rehabilitim fizik dhe dhe jane pajisur me proteza ne Slloveni që nga viti 2001.
• 84 të aksidentuar nga minat dhe familjet e tyre janë ndihmuar me asistencë teknike dhe një fondi qarkullues per ngritjen e ekonomive me bazë familjare në mbajtjen e bagëtive..
• 30 të demtuar nga minat/UXO nga Kukësi, Hasi dhe Tropoja, janë duke ndjekur trajnime profesionale, sipas projekteve të financuar nga Komisioni Europian dhe SIDA. 45 persona te tjere jane planifikuar per tu asistuar gjate vitit 2009, me financimin e Departamentit Amerikan te Shtetit  nepermjet ITF.
• Nga aktiviteti humanitar, "Darka e 1000 Gostive" organizuar nga Ambasada Amerikane në tetor të vitit 2007 janë mbledhur rreth 19, 000USD nga donatore individuale, përfshirë këtu sektorin privat, fonde te cilat do të përdoren për të asistuar të aksidentuarit nga minat/UXO.
• Me fonde nga DfID i jane dhuruar Qendrës së Protezave në Kukes, materiale lëndë e parë dhe pajisje të tjera me vlerë 49,500 USD për funksionimin e kësaj Qendre.
• Me një fond prej 170 000 USD, dhuruar nga Departamenti Amerikan i Shtetit nëpërmjet ITF do të blihen brenda mesit te vitit 2009 pajisje kirurgjikale për spitalin e Kukësit.
• 8 fëmijë të dëmtuar nga minat i janë rikthyer shkollës ndersa 10 të dëmtuar nga sytë janë asistuar me ndërhyrje mjekesore në klinikën ruse në Tiranë.
• Një rrjet rehabilitimi me bazë tek komuniteti (CBR) është ngritur në veri-lindje të Shqipërisë në vitin 2005. Ky rrjet përbëhet nga 30 infermiere qe punojne në zonat e minuara dhe 2 mjekë specialistë (neurolog dhe fizioterapist) nga spitali i Kukësit. Pajisje mjekesore iu shpërndanë ketyre infermierëve në Kukës, Has dhe Tropojë ndërsa 2 fizioterapistë dhe 6 infermierë kanë kryer trajnime jashtë shtetit.

Në janar 2005, Qeveria Shqiptare aprovoi Strategjinë e parë Kombëtare për Personat me Aftësi të Kufizuara. Me anë të kësaj strategjie synohet përmirësimi i kushteve të jetesës për personat me aftësi të kufizuara (përfshirë të mbijetuarit nga minat/UXO) në sferat e arsimimit, punësimit dhe shërbimeve duke mbrojtur dhe respektuar në këtë mënyrë të drejtat e personave me aftësi të kufizuara.

Qeveria Shqiptare po ndjek gjithashtu nga afër të gjitha zhvillimet lidhur me Konventën Ndërkombëtare mbi Mbrojtjen dhe Promovimin e të Drejtave të Personave me Aftësi të Kufizuara dhe Ministria e Punëve të Jashtme ka shprehur publikisht angazhimin e Shqiperisë për të firmosur këtë konventë.